رادیۆی دەنگ

 

بۆ ماوه‌ى زیاتر له‌ ٣ مانگه‌ سه‌رۆكى شاره‌وانى ناحیه‌ى باوه‌نور ده‌ستى له‌كاركێشاوه‌ته‌وه‌، به‌ڵام تاوه‌كو ئێستا كه‌سێك دیارى نه‌كراوه‌ بۆشوێنه‌كه‌ى، به‌ڕێوبه‌رى گشتى شاره‌وانیه‌كانی گە‌رمیانیش ده‌ڵێت: چاوه‌ڕوانى ئیداره‌ى گه‌رمیانین.

 

به‌پێى زانیارییه‌كانى رادیۆی ده‌نگ، له‌ مانگى تشرینی دوەمی ساڵى رابردوه‌وه‌، مه‌سعود محه‌مه‌د، سه‌رۆكى شاره‌وانى ناحیه‌ى باوه‌نور ده‌ستى له‌ كاركێشاوه‌ته‌وه‌ به‌هۆى خۆتەرخانکردنی بۆ خوێندن‌، به‌ڵام تاوه‌كو ئێستا ئه‌و پۆسته‌ پڕنه‌كراوه‌ته‌وه‌.

 

به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان، بۆ رادیۆى ده‌نگ باسى له‌وه‌كرد: ئیداره‌ى گەرمیانیمان له‌و بابه‌ته‌ ئاگادار كردوه‌ته‌وه‌ كه‌ كه‌سێك ده‌ستنیشان بكرێت بۆ پۆستی سه‌رۆكى شاره‌وانى ناحیه‌كه‌، به‌ڵام تاوه‌كو ئێستا كه‌سێك دیاریی نه‌كراوه‌ و چاوه‌ڕوانى ئه‌وانین.

 

ده‌شڵێت: له‌ ئێستادا سه‌رۆكى شاره‌وانى ناحیه‌ى شێخ ته‌ویل هه‌ندێك له‌ كاروباره‌كان به‌ڕێوه‌ ده‌بات تاوه‌كو كه‌سێك یه‌كلاده‌كرێته‌وه‌ بۆ ئه‌و مه‌به‌سته‌.