دەنگ نێت

 

چەند شۆفێرێک لە دەروازەی سنوریی پەروێزخان لە گەرمیان، رایدەگەیەنن بڕی (١٥) هەزار دیناریان لێوەردەگیرێت لەکاتی بارکردنی باردا، ناشزانن ئەو پارەیە بۆ چی و کێیە.

 

ئەو شۆفێرانە بە رادیۆی دەنگیان وت: جگە لە چەندین جۆری پارەی جیاواز کە بەناوی باج و رەسمەوە لێمان وەردەگیرێت، ئێستا دەستکراوە بە وەرگرتنی جۆرێکی تر پارە لێمان کە بڕەکەی (١٥) هەزار دینارە.

 

ئاماژەیان بەوەشکرد پێشتر ئەم پارەیەیان لێ وەرنەگیراوە و ناشزانن بۆ چ مەبەست و کارێک لێیان وەردەگیرێت، وەک شۆفێرێک ئاماژەی بۆ کرد بە "سەرانە وەرگرتن"ـی دەزانن.

 

بەپێی ئەو پسوڵەیەی کە وێنەی دەست رادیۆی دەنگ کەوتوە، ئەو پارەیەی وەردەگیرێت پسوڵەی بارکردن "بولیصة الشحن"ـە و لەکاتی بارکردنی باردا لە دیوی ئێران لە شۆفێران وەردەگرێت.

 

رادیۆی دەنگ لەم بارەیەوە پەیوەندی بە بەڕێوبەری دەروازەی پەروێزخانەوە کرد، بەڵام پەیوەندییەکەی بەردەست نەبو.