دەنگ نێت

 

بەرپرسی نوسینگەی لێپرسراوی مەڵبەندی خانەقینی یەکێتی دەڵێت: لەلایەن پاسەوانەکانی ئەوس ئەلمەهداوی، ئەندامی ئەنجومەنی پارێزگای دیالەوە لێمدراوە، ئەوەش بەهۆکاری رەخنە گرتن.

 

تەها نەجم، ئەندامی کۆمیتەی یەکێتی و بەرپرسی نوسینگەی شێرکۆ میروەیس- لێپرسراوی مەڵبەندی خانەقینی یەکێتی لە خانەقین، بە رادیۆی دەنگی راگەیاند: ئەمڕۆ هەموان کۆبوینەوە بۆ پێشوازیکردن لە سەرۆکی رەوتی حیکمە- عەمار حەکیم لەسەر کۆرنیشی خانەقین، من لەوێدا رەخنەم لە ئەوس ئەلمەهداوی- ئەندامی ئەنجومەنی پارێزگای دیالە گرت و پێموت کە ئیش بۆ خانەقین و خانەقینییەکان بکات، بەڵام ئەو قبوڵی رەخنەکانی نەکرد.

 

وتیشی: بەو هۆیەوە فەرمانی کرد بە پاسەوانەکانی و لێیاندام.

 

تەها نەجم، هاوکات ئەندامی کۆمیتەی یەکێتییە لەو شارە، ئەوس ئیبراهیم ئەلمەهداویش، تاکە ئەندامی ئەنجومەنی پارێزگای دیالەیە لەسەر پشکی یەکێتی نیشتیمانی کوردستان.