دەنگ نێت

 

رۆژنامەنوسێکی بوارى ژینگه‌ هۆشداریی دەدات ئاوى ژێرزه‌وی نوێبونه‌وه‌ى نیه‌ وه‌ك ئاوى سه‌رزه‌وی به‌تایبه‌ت له‌ ناوچه‌یه‌كى وه‌ك گه‌رمیان، جه‌خت له‌وه‌شده‌كاته‌وه‌ ئەمە بۆ داهاتو دەبێتە کێشە، بۆیە پێویسته‌ حكومه‌ت پلان و به‌رنامه‌ى تایبه‌تى هه‌بێت.

 

خالد سلێمان، رۆژنامەنوس لە بوارى ژینگە، لەمیانەی بەرنامەیەکی رادیۆی دەنگدا‌ وتی: ئاوى ژێرزه‌وى وه‌ك ئاوى سه‌رزه‌وى نیه‌ و نوێ نابێته‌وه‌ به‌تایبه‌ت بۆ ناوچه‌یه‌كى وه‌ك گه‌رمیان، كاریگه‌رى ئه‌و هه‌مو بیره‌ نایاسایی و یاساییانه‌ش كه‌ هه‌یه‌ له‌ سنوره‌كه‌ له‌ ساڵانى داهاتودا ده‌رده‌كه‌وێت.

 

جه‌ختیله‌وه‌شكرده‌وه‌: پێویسته‌ حكومه‌ت پلان و به‌رنامه‌ى تایبه‌تى هه‌بێت بۆ ئه‌و بابه‌ته‌ و قه‌باره‌ى ئاوى ژێر زه‌وى و پێداویستى هاوڵاتیان بۆ ئاو بزانێت، ئه‌مه‌ جگه‌ له‌وه‌ى كار له‌سه‌ر به‌رزكردنه‌وه‌ى هۆشیارى تاك بكات له‌ به‌هه‌ده‌رنه‌دانى ئاو.

 

 ژماره‌ى بیره‌ قوڵه‌ یاساییه‌كان له‌گه‌رمیان (1944) بیره‌، به‌ڵام ژماره‌ى بیری نایاسایی نازانرێت و له‌لایه‌ن به‌ڕێوبه‌رایه‌تى ئاوی ژێرزه‌وی گه‌رمیانه‌وه‌ به‌ (1500) بیر مه‌زه‌نده‌ ده‌كرێت، هەمو ئەمانەش رۆڵیان هەبوە لە دابەزینی ئاستی ئاوی ژێرزەوی.