دەنگ نێت

 

بەڕێوبەری گشتی گەشتوگوزاری گەرمیان دەڵێت: لە دو شوێنی کەلار پرۆژەیەک دروستدەکرێت کە هەم گەشتیارییە و هەمیش کشتوکاڵی.

 

هێرش فەیزۆڵڵا، بۆ رادیۆی دەنگ وتی: "گەشتوکاڵ" پڕۆژەیەکی نوێیە لە گەرمیاندا کە تێکەڵکردنی پڕۆژەی گەشتیارییە لەگەڵ کشتوکاڵدا و خۆی دەبینێتەوە لە باخێکی بەردار و تێیدا شوێنی مانەوە بۆ گەشتیاران دابین دەکرێت و هەروەها بەروبومی باخەکە و بەرهەمە خۆماڵیانیشی تێدا دەفرۆشرێت.

 

دەشڵێت: لەئێستادا ئەم پڕۆژەیە لە  گوندی تازەدێ و ناحیەی رزگاریی سەر بە کەلار دروستدەکرێت، پرۆژەکە لە تازەدێ لەرێکاردایە و لەناحیەی رزگاریش زەویەکەی پێکدێت لە ۱٤ دۆنم و ٤۰٪ـی کارەکانی تەواوبوە.

 

باسی لەوەشکرد: زەویەکان هی وەبەرهێنە و باخی بەرداریان هەیە و داوا دەکەن پڕۆژەی گەشتوکاڵی تێدا دروستبکەن و ئێمەش هاوکاری دەبین بۆ دروستکردنیان.