دەنگ نێت

 

رۆژنامەنوس: سیروان حەسەن، لەسەر نوسینی بابەتێک لە فەیسبوک، لەلایەن مەکۆی کەلاری بزوتنەوەی گۆڕانەوە سکاڵای لەسەر تۆماردەکرێت و بە فەرمانی دادوەر راگیرا.

 

هاوڕێیەکی ئەو رۆژنامەنوسە، بە رادیۆی دەنگی وت: سەرلەبەیانی ئەمڕۆ سیروان حەسەن کە لەلایەن مەکۆی کەلاری بزوتنەوەی گۆڕانەوە سکاڵای لەسەر تۆمارکراوە لەسەر پۆستێکی فەیسبوک، چوە بەردەم دادوەری لێکۆڵینەوەی کەلار و بەپێی یاسای خراپبەکارهێنانی پەیوەندییەکان بڕیاری راگرتنی دا.

 

ئەو پۆستەی کە بەهۆیەوە سکاڵای لەسەر تۆمارکرا، سیروان حەسەن سەرەتای ئەم مانگە لە هەژماری خۆی لە فەیسبوک بڵاویکردوەتەوە و تیایدا باسی لە یاساشکێنی بەرپرسێکی گۆڕان کردبو، بەبێ ئەوەی ئاماژە بە ناو و شوێنی کارەکەی ئەو بەرپرسە بدات.

 

سیروان حەسەن، دەرچوی کۆلێژی راگەیاندنە و خەڵکی گەرمیانە، بەڵام ئێستا لە سلێمانی دادەنیشێت و لەکەناڵی NRT کاردەکات.