دەنگ نێت

 

بەپێی بڕیارێکی وەزارەتی ئەوقافی هەرێم، بانگدان لە مزگەوتەکاندا دەکرێت بە ئەلیکترۆنی، بەڕێوبەری ئەوقافی گەرمیانیش دەڵێت: بڕیارەکە مانگێکی تر لە گەرمیان دەست بە جێبەجێکردنی دەکرێت.

 

وەزارەتی ئەوقافی هەرێم لەچوارچێوەی پرۆژەیەکدا بۆ یەکخستنی کاتەکانی بانگدان لەپارێزگا و ئیدارە سەربەخۆکان، بڕیاری بەئەلیکترۆنی کردنی بانگی داوە.

 

لەبارەی ئەوەی بڕیارەکە لە گەرمیان کەی جێبەجێ دەکرێت، سەباح محەمەد، بەڕێوبەری گشتی ئەوقافی گەرمیان، بە رادیۆی دەنگی وت: بڕیارەکە گەشتوەتە سلێمانی و دوای تەواوبونیشی کە نزیکەی مانگێکی تر دەکات، دەگاتە گەرمیان.

 

باسی لەوەشکرد: بەئەلیکترۆنیکردنەکە بەوجۆرەیە کە لەگەڵ کۆمپانیایەک گرێبەست کراوە و هەمو مزگەوتەکان دەبەستن بەیەکەوە و راستەوخۆ لە مزگەوتێک بانگدەدرێت و بۆ هەمو مزگەوتەکانی تریش دەگوێزرێتەوە.

 

بەپێی ئامارێکی بەڕێوبەرایەتی گشتی ئەوقافی گەرمیان کە تایبەت دەست رادیۆی دەنگ کەوتوە، لە سنوری ئیدارەی گەرمیاندا ٢٦٠ مزگەوت هەیە.