دەنگ نێت

 

لێپرسراوێکی تەندروستی گەرمیان ئاشکرای دەکات پشکنینیان بۆ کێڵگەکانی سەوزەی سنورەکە ئەنجامداوە و دەرکەوتوە تەندروست و بێمەترسیین.

 

تۆفیق محەمەد، لێپرسراوی هۆبەی چاودێریی تەندروستی لە بەڕێوبەرایەتی خۆپاراستنی تەندروستی گەرمیان، بە رادیۆی دەنگی وت: لە مانگی رابردوەوە بە چڕی سەردان و چاودێری سەرجەم کێڵگەکانی سەوزە دەکەین و پشکنینمان بۆ ھەمویان کردوە، دەرکەوتوە بە ئاوی ناعور ئاو دەدرێن و بێ مەترسین.

 

دەشڵێت: سەوزەی سنورەکە لەروی تەندروستییەوە گرفتی نییە و بێمەترسیە، بەتایبەتی مەترسی بڵاوبونەوەی کۆلێرا.