دەنگ نێت

 

لەبارەی روداوی تەقەکردنەکەی کفری پۆلیسی گەرمیان دەڵێت: تەقەکەرەکە دەستگیر کراوە. 

 

بەپێی گرتەڤیدیۆیەک کە رادیۆی دەنگ ئەمڕۆ بڵاویکردبویەوە، تیایدا دەردەکەوێت ماتۆڕسوارێک لە قەزای کفری تەقە لە خاوەن دوکانێک دەکات و پاشان هەڵدێت.

 

عەلی جەمال قەدوری، وتەبێژی بەڕێوبەرایەتی پۆلیسی گەرمیان، بەرادیۆی دەنگی راگەیاند: ئەو تەقەکەرە ناسراوەتەوە و سکاڵای لەسەر تۆمار کراوە، دەستگیرکراوە و لەئێستادا بەندە بەپێی ماددەی ٤۳۱ لە یاسای سزادانی عێراقی. 

 

وتیشی: خاوەن دوکانەکە و ماتۆڕسوارەکە یەکتری دەناسن، بەهۆی دەمەقاڵەیەکی بچوکەوە کە پێشتر رویداوە، کێشە کەوتبوە نێوانیان.