دەنگ نێت

 

بەڕێوبەری گشتی شارەوانییەکانی گەرمیان رایدەگەیەنێت داوایان کردوە ئەو فەرمانبەرانەی لە ناحیەکانن و زەویەکانیان سودی ئەوتۆی نیە، لە شوێنی دیکە زەویان پێبدرێت کە سودی زیاترە.

 

به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان،‌ به‌ رادیۆى ده‌نگى راگه‌یاند: بۆ وەرگرتنی زەوی، كارمان له‌سه‌ر ئه‌وه‌ كردوه‌ كه‌ ئه‌و شاره‌وانیانه‌ى زه‌وییه‌كانیان سودی ئابورى باش نیه‌، زەویەکانیان بخرێته‌ ئه‌و شوێنانه‌ى كه‌ سودی ئابوریان باشتره.

 

وتیشی: ‌بۆ ئه‌و مه‌به‌سته‌ ره‌زامه‌ندى زاره‌كیی وه‌زیرى شاره‌وانیمان وه‌رگرتوه.

 

ئاماژەی بەوەشکرد: له‌گه‌ڵ ئه‌وه‌شدا له‌ ناحیەکاندا زەوی دیارییکراوە، بۆنمونە لەنێو ناحیەی باوەنورـی سەر بە کەلار ‌ 5 پارچه‌ زه‌ویمان دیاریكردوه‌ به‌ روبه‌رى جیاواز بۆ ئه‌وه‌ى دابه‌شبكرێت به‌سه‌ر فه‌رمانبه‌راندا.