دەنگ نێت

 

پێنجەم بەشەخۆراکی مانگانەی ئەمساڵ لە گەرمیان دابەش دەکرێت و بەڕێوەبەری بەڕێوەبەرایەتیی بازرگانی و کەلوپەلی خۆراکیش لەگەرمیان دەڵێت: خۆراکی مانگەکەیان بۆ هاتوە و لەئێستادا بەردەوامن لەدابەشکردنی.

 

مەولود سامی، بەڕێوەبەری بەڕێوەبەرایەتیی بازرگانی و کەلوپەلی خۆراکی گەرمیان بە رادیۆی دەنگی وت: نزیکەی ١٠ رۆژە پێنجەم بەشەخۆراکی مانگانەی ئەمساڵی هەوڵاتیان گەشتوەتە سنورەکە و دەستکراوە بە دابەشکردنی.

 

وتیشی: جگە لە رۆنی شل، تەواوی بەشەخۆراکی پێنجەم لە کۆگەکاندا هەیە.

 

لە بەشەخۆراکی پێنجەمی ئەمساڵدا، ئەم جۆر و بڕە خۆراکانە بۆ هەر کەسێک دابەش دەکرێت: ٩ کیلۆ ئارد، ٢ کیلۆ و نیو برنج، کیلۆیەک شەکر، نیو کیلۆ نیسک، نیوکیلۆ لەتکە نۆک.

 

لە سنوری ئیدارەی گەرمیان، ٢٢٠ هەزار کەس مانگانە بەشەخۆراک وەردەگرن.