ئاسایشی گەرمیان گۆڕانکاری لە بەشێکی پۆستەکانی دەکات

هەواڵ

12:12AM - 2024/07/30 , بینین : 2,460

دەنگ نێت

بەڕێوبەرایەتی ئاسایشی گەرمیان گۆڕانکاریی لە کۆمەڵێک لە پۆستەکانیدا دەکات، سەرچاوەیەکی ئاسایشیش دەڵێت: ئەمە وەجبەی یەکەمی گۆڕانکارییەکانە و گۆڕانکاریی تریش دەکرێت.

بەپێی زانیارییەکانی رادیۆی دەنگ، کۆمەڵێک گۆڕانکاری زۆر لە پۆستەکانی ئاسایش لە گەرمیاندا کراوە، لەوانە:

- عەقید: عوسمان حەمەڕەشید، لە بەڕێوبەری یاریدەدەرێتی ئاسایشی کفرییەوە دەبێتە بەڕێوبەری بەشی ئاسایشی کەلار.

- عەمید: شەماڵ عەبدولرەحمان، لە بەڕێوبەری یاریدەدرێتی ئاسایشی دوزخورماتووەوە دەبێتە بەڕێوبەری یاریدەدەرێتی ئاسایشی کفری.

- ملازم: سۆران عوبێد، دەبێتە بەڕێوبەری یاریدەدەرێتی ئاسایشی خورماتو.

- عەقید: عوسمان محەمەد، لە بەشی ئاسایشی کەلارەوە دەگوازرێتەوە بۆ بەشی دامودەزگا.

- عەمید: دڵشاد وەهاب، لە بەشی دامودەزگاوە دەگوازرێتەوە بۆ بەشی کەسێتیی.

- موقەدەم: ئارێز عەلی، لە بەشی کەسێتییەوە دەگوێزرێتەوە بۆ یاریدەدەرێتی ئاسایشی ناحیەی مەیدان.

- رائید: ساڵح چاوشین، لە یاریدەدەرێتی ئاسایشی مەیدانەوە دەگوازرێتەوە بۆ ناو بەڕێوبەرایەتی.

- موقەدەم: هیوا عەلی، لەبەشی چاودێرییەوە دەگوازرێتەوە بۆ یاریدەدرێتی ئاسایشی سەرقەڵا.

بەوتەی سەرچاوەیەک لە ئاسایشی گەرمیان، ئەم گۆڕانکارییانە بەردەوام دەبن بەشێوەیەکی دەوریی و ئەوەیشی کراوە وەجبەی یەکەمی گۆڕانکارییەکانە.

دوایین بابەتەکان

راپۆرت