دەنگ نێت

 

خاوەنی مۆلیدە ئەهلیەکانی ناحیەی رزگاریی سەر بە کەلار گازندەی ئەوە دەکەن ۹ کاتژمێر بڕینی کارەبای نیشتمانی بەسەر یەکەوە زۆرە و فشارێکی زۆر دەخاتە سەر مۆلیدەکانیان و ناتوانن بڕی پێویست کارەبا بدەن بەهاوڵاتیان. 

 

سەروەت جەبار، نوێنەری خاوەنی مۆلیدە ئەهلیەکان لەناحیەی رزگاریی، بە رادیۆی دەنگی وت: بەم کەشە گەرمە، کارەبای نیشتمانی نزیکەی ۹ سەعات بەسەر یەکەوە دەبڕێت، مۆلیدەکانیشمان تەحەمولی ئەم فشارە زۆرە ناکەن.

 

وتیشی: مۆلیدەکان بەلایەنی زۆرەوە بەرگەی نزیکەی ٥ کاتژمێر نەبونی کارەبای نیشتمانی دەگرن و لەوە زیاتر وزەیان نیە و ناتوانن کارەبای پێویست بگەیەنن بەخەڵکی.

 

جەختیلەوەشکردەوە: بە لایەنی پەیوەندیدارمان وتوە، بەڵام پێیان وتوین بەشی گەرمیان هەر ئەوەندە کارەبای نیشتمانییە و ناتوانین زیاتر لەوە کارەبا بدەین.

 

ناحیەی رزگاریی سەر بە قەزای کەلار، ۲٨ مۆلیدەی ئەهلی تێدایە.