دەنگ نێت

 

پرۆژه‌ى كشتوكاڵیی قارچكى هیوا له‌ قه‌زاى كه‌لار له‌سه‌ر روبه‌رى 25 دۆنم زه‌وى دروستكراوه‌ و رۆژانه‌ تواناى به‌رهه‌مهێانى 3 ته‌ن قارچكى هه‌یه‌، بەمەش بوە بە گەورەترین کارگەی عێراق.

 

هێرش محه‌مه‌د، خاوه‌نى پرۆژه‌ى كارگه‌ى قارچكى هیوا، لە راپۆرتێکی یەکەی چاودێریی حکومەتی خۆجێی گەرمیانـی سەر بە رادیۆت ده‌نگ دا دەڵێت: ئەم پرۆژەیە دەکەوێتە سنوری شاری کەلار لەسەر روبەری 25 دۆنم زەوی جێبەجێکراوە، توانای بەرهەمهێنانی رۆژانه‌ى 3 ته‌نه‌ و ساڵانەشی 1400 تەنە، پرۆژەیەکی تەواوکارییە، پێکدێت لە چەند بەشێک، بەشی یەکەمی لە مانگی سێی ئەمساڵەوە له‌كاردایه‌ كه‌ بریتییه‌ له‌ به‌رهه‌مهێنانى قارچك.

 

وتیشى: بەرهەمی کارگەکە رۆژانە هەناردەی بازاڕەکانی کەلار و سلێمانی دەکرێت، رێژەیەکی زۆری هەناردەی شارەکانی موسڵ و بەغداد دەکرێت، بڕیاره‌ لە ئایندەیەکی نزیکدا هەناردەی وڵاتی ئیمارات بکرێت و رێکارەکانی لە قۆناغی تەواوبوندایە.

 

بەپێی وتەی بەرپرسانی کشتوکاڵی سنورەکە، کارگەی قارچکی هیوا گەورەترین کارگەی هاوشێوەیە لەئاستی عێراق دا.