ده‌نگ نێت

 

وته‌بێژى كاره‌باى گه‌رمیان ده‌ڵێت: به‌ هه‌ردو قه‌زاى كه‌لار و كفری و سه‌رجه‌م ناحیه‌كانیانه‌وه‌، زیاتر له‌ 4 هه‌زار زیاده‌ره‌وه‌ى كراوه‌ته‌ سه‌ر پێوه‌ره‌كانى كاره‌با.

 

ئالان ئه‌ركان، بۆ رادیۆى ده‌نگ وتى: " به‌پێى ئه‌و ئاماره‌ى له‌ سێرڤه‌رى ناوه‌ندیه‌وه‌ بۆمان هاتوه‌ته‌وه‌ به‌ هه‌ردو قه‌زاى كه‌لار و كفری و سه‌رجه‌م ناحیه‌كانیه‌وه‌ 4 هه‌زار و 487 زیاده‌ڕه‌وه‌ى كراوه‌ته‌ سه‌رپێوه‌ره‌كانى كاره‌با".

 

وتیشى: مه‌رجیش نیه‌ هه‌موى زیاده‌ره‌وى بێت، بۆى هه‌یه‌ هه‌ندێكیان پێوه‌رى "سه‌عاتى" خوێندنه‌وه‌ى كاره‌بایان سوتا بێت، بۆیه‌ تیمه‌كانمان به‌رده‌وام سه‌ردانى ئه‌و شوێنانه‌ ده‌كه‌ن، ئه‌گه‌ر پێوه‌ره‌كه‌ سوتا بێت بۆى چاك ده‌كه‌نه‌وه‌، ئه‌گه‌ریش زیاده‌ڕه‌وى بێت ئه‌وه‌ زیاده‌ڕه‌ویه‌كه‌ى بۆ ده‌بڕن.