٣٦ شوقە لە کفری تەواو بوە و کەس وەریناگرێت
هەواڵ
08:16PM - 2026-11-17 , بینین : 131


رادیۆی دەنگ

٣٦ شوقەی تایبەت بە کرێنشینان و کەمدەرامەتان لە قەزای کفری تەواو بوە، بەڵام کەس وەری ناگرێت، بەڕێوبەری ئاوەدانکردنەوەی گەرمیانیش دەڵێت: هۆکارەکەی ئەوەیە کرێکەی گرانە.

پشتیوان عەبدوڵڵا، بەڕێوبەری بەڕێوبەرایەتی ئاوەدانکردنەوەی گەرمیان، بۆ رادیۆی دەنگ باسی لەوەکرد: ٣٦ شوقەی تایبەت بە کەمدەرامەتان و کرێنشینان تەواو بوە، بەڵام کەس وەری ناگرێت.

دەشڵێت: هۆکارەکەی ئەوەیە کرێکەیان پێ زۆرە کە ١٦٠ هەزار دینارە.

جەختی لەوەشکردەوە: بەبێ پێشەکی و بەبێ پاشەکی ئەو شوقانە تۆمار دەکرێت بەناوی ئەو کەسەوە کە وەری دەگرێت، تەنها مانگانە ١٦٠ هەزار دینار دەدرێتەوە لەبەرامبەر دروستکردنی ئەو شوقەیە بە قیستی درێژخایەن.

↑