رادیۆی دەنگ

بەتۆمەتی "هاندانی خەڵک بۆ خۆپیشاندان"، فەرمانی دەستگیرکردن بەرپرسی مەڵبەندی یەکێتی و بەرپرسی ناوچەی پارتی لە خانەقین دەرکرا.

بڕیار بو ئەمڕۆ لەقەزای خانەقین خۆپیشاندان بکرێت، بەڵام بەهۆی فشارەوە خۆپیشاندانەکە هەڵوەشایەوە.

بەپێی زانیارییەکانی رادیۆی دەنگ، فەرمانی دەستگیرکردن بۆ کاروان یاروەیس، بەرپرسی مەڵبەندی یەکێتی لە خانەقین و بەرپرسی ناوچەی پارتی دەرکراوە، ئەمەش بەتۆمەتی هاندانی خەڵک بۆ خۆپیشاندان.

ئەمەش لەکاتێکدایە کە دوێنێ یەکشەممە، بەهەمان تۆمەت ئەبو مونتەزر، فەرماندەی پێشوی حەشدی شەعبی کە ئێستا پاڵپشتیی یەکێتی دەکات، دەستگیرکرا و رەوانەی باقوبە کرا.