رادیۆی دەنگ

له‌ سنورى گه‌رمیان 27 پرۆژه‌ى نیشته‌جێبون مۆڵه‌تى پێدراوه‌، وه‌به‌رهێنانى گه‌رمیانیش ده‌ڵێت: هیچ مۆڵه‌تێكى پرۆژه‌ى نیشته‌جێبون وه‌رناگرین، چونكه‌ ئه‌و رێژه‌ى كه‌ هه‌یه‌ بەسە‌ بۆ سنوره‌كه‌.

هونه‌ر مه‌حمود، به‌ڕێوبه‌رى گشتى وه‌به‌رهێنانى گه‌رمیان، بۆ رادیۆى ده‌نگ باسى له‌وه‌كرد: بۆ ئه‌مساڵ هیچ پرۆژه‌یه‌كى نیشته‌جێبون له‌ سنورى گه‌رمیان مۆڵه‌تى پێنه‌دراوه‌ و راگیراوه‌ تاوه‌كو كاتێكى نادیار.

وتیشى: ئه‌وه‌ى داواكاریی پێشكه‌ش كردوه‌ مۆڵه‌تى پێدراوه‌ كه‌ خۆى له‌ 27 پرۆژەدا ده‌بینێته‌وه‌، كه‌ هەر یه‌كێكیان له‌ %10 بۆ %60ـی كاركردن تێیاندا ئه‌نجامدراوه‌.

هێماى بۆ ئه‌وه‌شكرد: هۆكارى راگرتنه‌كه‌شى ئه‌وه‌یه‌ ئه‌و رێژه‌ پرۆژەیەی كه‌ له‌ ناوچه‌كه‌ ئه‌نجام ده‌درێت، له‌ئێستادا بەسە بۆ سنوره‌كه‌.

جه‌ختى له‌وه‌شكرده‌وه‌: وه‌ك بەڕێوبەرایەتی گشتی وه‌به‌رهێنان هه‌میشه‌ پێشنیارى ئه‌وه‌ ده‌كه‌ین هه‌ر وه‌به‌رهێنێك دێته‌ لامان، داواكاریی بۆ پرۆژه‌ى پیشه‌سازیی یان گه‌شتیاریی پێشکەش بكات، بۆ ئه‌وه‌ى بونیادی ناوچه‌كه‌ بباته‌ پێشه‌وه‌.