تائێستا پرسی قەرەبوکردنەوەی خاوەن فرۆشگاکانی ناو قوتابخانەکان بۆ ساڵی خوێندنی رابردو بە هەڵپەسێردراوی ماوەتەوە، پەروەردەی گەرمیانیش رونکردنەوە دەدات.

ئەرسەلان پەرۆش، وتەبێژی بەڕێوبەرایەتی گشتیی پەروەردەی گەرمیان، بە رادیۆی دەنگی راگەیاند: بڕیاری قەرەبوکردنەوەی خاوەن فرۆشگاکان لە دەسەڵاتی وەزارەتی پەروەردەدایە و تا ئەم ساتە هیچ بڕیارێکی نوێ لەو بارەیەوە نەدراوە، بۆیە چارەنوسیان نادیارە.

سەبارەت بە هۆکاری دواکەوتنی قەرەبوەکەش، وتەبێژەکەی پەروەردە ئاماژەی بەوە کرد کە قەیرانی دارایی رێگرە و حکومەت لە ئێستادا تەنها لە هەوڵی کۆکردنەوەی داهاتدایە.

ئەمەش لە کاتێکدایە کە لە ماوەی رابردودا خاوەن فرۆشگاکانی گەرمیان بەهۆی راگرتنی پڕۆسەی خوێندن و بایکۆتەوە بەتایبەتی بەکاریگەریی شەڕی ئێران و ئیسرائیل، وەکخۆیان دەڵێن زیانێکی زۆری داراییان بەرکەوتوە و داوای گەڕاندنەوەی ئەو کرێیانە دەکەن کە پێشتر بە حکومەتیان داوە.