رادیۆی دەنگ

شەوی رابردو لە گەڕەکی گۆرانی قەزای کەلار نارنجۆکێک خراوەتە ماڵێکەوە و بەوهۆیەوە کەسێک برینداربو، لەبارەی روداوەکەوە بەڕێوبەرایەتی پۆلیسی گەرمیان رونکردنەوە دەدات.

عەقید سۆران حەمە غەریب، وتەبێژی بەڕێوبەرایەتی پۆلیسی گەرمیان، بە رادیۆی دەنگی وت: شەوی رابردو نارنجۆكێك خراوەتە ماڵێكەوە لە گەڕەكی گۆران لە كەلار و بەهۆیەوە خاوەنی ماڵەكە برینداربوە و بەهۆی ئەوەی پێویستی بە چارەسەری زیاتربوە رەوانەی سلێمانی كراوە.

‎وتیشی: دەستبەجێ هێزەكانی پۆلیس رۆشتونەتە شوێنی روداوەكە و پەڕاوی لێكۆڵینەوەش كراوەتەوە و لەسەر وتەی سكاڵاكار ٤ كەس فەرمانی دەستگیركردنیان بۆ دەرچوە و لە رێكارەكانی دەستگیركردنیانداین.

‎ئاماژەی بەوەشدا: بەپێی ئەوەی بۆیان رونبوەتەوە ئەو كەسانەی فەرمانی دەستگیركردنیان بۆ دەرچوە لەگەل سكاڵاكار خزمایەتیان هەیە.