رادیۆی دەنگ 

بڕیار بو ئەمڕۆ بەنزین بۆ ئۆتۆمبێلە بێ سەرەتاکان لە بەنزینخانەی مرواری لە شارەدێی گردەگۆزینە دابەش بکرایە، بەڵام تاوەکو ئێستا دابەش نەکراوە، بەڕێوبەری نەوت و کانزاکانی گەرمیان دەڵێت: بەهۆی کێشەی بارکردنەوە ئێوارە دابەش دەکرێت.

 لەگەرمیان ٣ بەنزینخانە بۆ وەرگرتنی بەنزینی ئۆتۆمبیلە بێسەرەتاکان تایبەت کرا کە بریتین لە (کەلار: وێستگەی مرواری- گردەگۆزینە، تەنها رۆژانی یەکشەمە و پێنجشەمە، رزگاریی: وێستگەی دەرو، تەنها رۆژانی سێشەمە، کفری: وێستگەی میر، تەنها رۆژانی چوارشەمە).

بەپێی وتەی چەند شۆفێرێک کە نامەیان بۆ رادیۆی دەنگ ناردوە دەڵێن: لەبەیانییەوە تاوەکو ئێستا لەسەرەی بەنزیندا وەستاوین، بەڵام تاوەکو ئێستا دابەش نەکراوە و ناشزانین کەی دێت و هیچیان پێنەوتوین.

لەوبارەیەوە یادگار فەتاح بەڕێوبەری نەوت و کانزاکانی گەرمیان بۆ رادیۆی دەنگ وتی: بەهۆی کێشەی بارکردنەوە ئەمڕۆ بەنزینەکە نەهاتوە.

وتیشی: ئەگەر ئەو گرفتە نەبوایە هەر بەیانی زو دەستمان بەداشەکردنی دەکرد، بەڵام هەر ئەمڕۆ لە ئێوارەوە دەست بەدابەشکردنی دەکەین.