رادیۆی دەنگ

یه‌كێك له‌ كێشه‌كانى ناحییه‌كانى گه‌رمیان نه‌بونى هێڵى گواستنه‌وه‌ى گشتییە به‌تایبه‌ت له‌ ناحیه‌ نزیكه‌كانى سه‌نته‌رى قه‌زاكان، چالاكوانێكیش ده‌ڵێت: حكومه‌ت وه‌كپێویست كارى له‌سه‌ر نه‌كردوه‌.

ئاكۆ حه‌مید، چالاكوان له‌ گه‌رمیان، له‌ میانه‌ى به‌رنامه‌ى راڤه‌دا له‌ رادیۆى ده‌نگ، جه‌ختى له‌وه‌كرده‌وه‌: هێڵى گواستنه‌وه‌ى گشتى له‌ نێو ناحیه‌كانى گه‌رمیان كێشه‌ى تێدایه‌ به‌تایبه‌ت ناحییە دوره‌ده‌سته‌كان.

وتیشى: دۆخه‌كه‌ له‌ نێو ناحییه‌ نزیكه‌كانى سه‌نته‌رى قه‌زاكان تاڕاده‌یه‌ك باشتره‌، به‌ڵام ئه‌مه‌ش بێ كه‌موكورتى و كێشه‌ نیه‌.

هێماى بۆ ئه‌وه‌شكرد: ئه‌گه‌ر باوه‌نور به‌ نمونه‌ وه‌ربگرین كێشه‌ى رێكخستنه‌وه‌ى كاتیی تێدایه‌، چونكه‌ مینى پاسه‌كان هه‌تاوه‌كو نه‌فه‌ریان ته‌واوى نه‌بێت‌ ده‌رناچن، بۆیه‌ هاوڵاتیانیش ناڕۆنه‌ گه‌راج و ناچارن ئۆتۆمبێلى خۆیان به‌كاربهێنن، چونكه‌ دواده‌كه‌ون.