رادیۆی دەنگ
بەهۆی ئەوەی لە بەرنامەیەکی تەلەفزیۆنییدا ستایشی سەدام حسێنی کردوە، ٧٠ کەس لە کەسوکاری ئەنفالکراوانی گەرمیان، دژی عومەر فەقێ سکاڵایان تۆمارکردوە و ئەویش ئەمڕۆ لەبەردەم دادوەری کەلار ئامادە بو.
عومەر فەقێ کە لە تۆڕە کۆمەڵایەتییەکان وەکو وتاربێژ دەرکەوتوە و کاندیدی پێشوی پەرلەمانی کوردستانە، لە چاوپێكەوتنێكی تەلەفزیۆنییدا پەسنی سەرۆكی پێشوتری عێراق- سەدام حسێنی دا و لە بڕگەیەکدا دەڵێت: "گۆڕی پڕ نور بێت". بەمهۆیەوە لەلایەن كەسوكاری ئەنفالكراوانی گەرمیانەوە سكاڵای لەسەرتۆماركرا.
سەرۆكی كۆمەڵەی داكۆكی لە مافی كەسوكاری ئەنفالكراوان، ئەكرەم ساڵح، بە رادیۆی دەنگی وت: دوای تۆمارکردنی سکاڵاکان، ئەمڕۆ ناوبراو پاشكۆی قسەكانی پێشكەش بە دادگای كەلار كرد.
جەختی لەوەشكردەوە: وەكو كەسوكاری ئەنفالكراوان هەرگیز لەو كەسانە خۆشنابین وەسف و ستایشی كەسێك بكەن كە كوردی كۆمەڵكوژ و زیندەبەچاڵ و ئەنفال كردوە، بەڵکو دەبێت لەسەر ئەو کارەی کردویەتی بە سزای خۆی بگات.
- دوایین بابەتەکان
-
هەواڵدواین زانیاریی لەبارەی دۆسییەی ئەو گەنجەی هەفتەیەکە لە گەرمیان بێسەروشوێنە
-
-
هەواڵگومان دەکرێت رفێنرابێت؛ وردەکاریی دیارنەمانی کارمەندێکی پۆلیس لە گەرمیان
-
-
هەواڵلێسەندنەوەی ئۆتۆمبێلێکی هاتوچۆ کارەکانی لیژنەی ئەمنی قەزای کفری وەستاندوە
-
-
وتارمزگەوت؛ شوێنی ئاسودەیی و ئەمان، نەک مەیدانی خوێنڕشتن و تۆڵەسەندنەوە
-
-
یەکەی چاودێریراپۆرتێك لهبارهى: كێشهى لافاو له قهزاى كهلار
-
