رادیۆی دەنگ

لە شەوی رابردوەوە کارمەندێکی پۆلیس لە گەرمیان لە سنوری ناحییەی جەبارە سۆراغی نەماوە و گومان دەکرێت رفێنرابێت.

بەپێی وتەی چەند بەرپرسێکی ئەمنی کە قسەیان بۆ رادیۆی دەنگ کردوە، کارمەندێکی پۆلیسی نەوت و گازی هەرێم بەناوی 'ز. م' لە شەوی رابردوەوە سۆراغی نەماوە و گومان دەکرێت رفێنرابێت.

روداوەکە بەمشێوەیە بوە کە کارمەندەکە سەردانی گوندێکی نزیک ناحییەی جەبارەی کردوە، بەڵام دوای ئەوەی دەنگی نامێنێت، بەیانی ئەمڕۆ لەلایەن هێزە ئەمنییەکانەوە ئۆتۆمبێلەکەی دەدۆزرێتەوە لە نزیک گوندەکە.

بەپێی زانیارییەکان لەئێستادا لێکۆڵینەوە دەستیپێکردوە لەلایەن هێزە ئەمنییەکانی هەرێم و عێراق لەسنورەکە بۆ دۆزینەوەی.

کارمەندەکە پۆلیسی نەوت و گازی هەرێمە و لەکێڵگەی نەوتی حەسیرەی سەر بەناحییەی سەرقەڵا دەوام دەکات.