رادیۆی دەنگ

وابڕیابو دەست بە تاپۆکردنی زەوی زیندانیانی سیاسی بکرێت لە کەلار، بەڵام تاوەکو ئێستا نەکراوە، تاپۆی گەرمیانیش دەڵێت: هەندێک رێکاری هونەریی ماوە.

ئەکرەم رەزا، بەڕێوبەری بەڕێوبەرایەتی تۆماری خانوبەرەی "تاپۆ"ـی گەرمیان، بۆ رادیۆی دەنگ باسی لەوەکرد: تاپۆکردنی زەوی زیندانیانی سیاسی لە کەلار زۆر رێکاری بڕیوە، ئەوەی ماوەتەوە تەنها هەندێک رێکاری هونەرییە لە شارەوانی کەلار.

وتیشی: کە ئەو رێکارە هونەرییانە تەواو بو دێتەوە لای ئێمە، لەلای ئێمەش هەندێک رێکاری هونەری هەیە تەواوی دەکەین و دەینێرینەوە بۆ شارەوانی ئەوکات هاوڵاتیان دەتوانن داواکاری پێشکەش بکەن بۆ تاپۆکردن.

جەختی لەوەشکردەوە: جگەلەوە هیچ بەربەست و گرفتێک نیە بۆ تاپۆکردنی ئەو زەویانە.