رادیۆی دەنگ

هاوڵاتیان گازنده‌ى ئه‌وه‌ ده‌كه‌ن كه‌ رۆژانه‌ له‌ قه‌زاى كه‌لار كاتژمێره‌كانى دابه‌شكردنى ئاو له‌ یه‌ك كاتدا نیه‌ و گۆڕانكاریی به‌سه‌ردادێت، به‌ڕێوبه‌رایه‌تى ئاوى قه‌زاكه‌ش ده‌ڵێت: به‌هۆى چاكسازیكردنه‌وه‌یه‌.

سه‌رده‌شت جاسم، به‌رپرسى راگه‌یاندنى به‌ڕێوبه‌رایه‌تى ئاوى قه‌زاى كه‌لار، بۆ رادیۆى ده‌نگ باسى له‌وه‌كرد: گۆڕانكارىلییكردن له‌ پێدانى ئاو له‌ كاته‌كاندا هه‌ندێكجار په‌یوه‌سته‌ به‌ چاكسازیكردنى له‌ تۆڕه‌كانى ئاو یاخود پاڵاوگه‌كان.

ده‌شڵێت: هه‌ندێكجاریش په‌یوه‌سته‌ به‌ كێشه‌ى كاره‌با یاخود شكانى بۆرییه‌كى سه‌ره‌كى كه‌ ئاو ده‌گه‌یه‌نێته‌ گه‌ڕه‌كه‌كان.

جه‌ختى له‌وه‌شكرده‌وه‌: ئه‌مه‌یه‌ هۆكاره‌كان، ئه‌گینا بەمەبەست گۆڕانكاریی له‌ كاته‌كانى پێدانى ئاودا ناکەین.