رادیۆی دەنگ

ژمارەیەک فەرمانبەری گرێبەست بە بیانوی نەبونی کەمیی ساڵی خزمەت و گەیشتن بە تەمەنی خانەنشینی، بەبێ خانەنشینکردن دەنێردرێنە ماڵەوە.

بەپێی زانیارییەکانی رادیۆی دەنگ، ژمارەیەک فەرمانبەری گەرمیان کە پێشتر بەشێوازی گرێبەست دامەزراون، ئێستا تەمەنیان گەیشتوە بە خانەنشینی، بەبێ ئەوەی خانەنشین بکرێن، نێردراونەتە ماڵەوە.

ئەو فەرمانبەرانەی نێدراونەتە ماڵەوە، بەزۆری لە فەرمانگە خزمەتگوزارییەکانی وەکو شارەوانین، هاوکات لە فەرمانگەی دیکەش هەن.

ئەم مامەڵەیە پەیوەستە بەوەی بەپێی دواین یاسای هەموارکراوی حکومەت، فەرمانبەران بۆ ئەوەی خانەنشین بکرێن پێویستە ۱٥ ساڵ خزمەتیان هەبێت، بەڵام ئەم فەرمانبەرانەی گەرمیان نێردراونەتە ماڵەوە، ئەو ساڵە خزمەتەیان نییە.