رادیۆی دەنگ

كشتوكاڵى گه‌رمیان ده‌ڵێت بۆ ئه‌مساڵ زیاتر له‌ 9 هه‌زار دۆنم زه‌وى له‌لایه‌ن جوتیارانه‌وه‌ به‌ به‌رهه‌مى سه‌وزه‌وات چێنراوه‌ به‌تایبه‌ت ته‌ماته‌ و شوتى.

ئیسماعیل محه‌مه‌د، به‌ڕێوبه‌رى به‌شى خزمه‌تگوزراى كشتوكاڵى له‌ به‌ڕێوبه‌رایه‌تى گشتى كشتوكاڵى گه‌رمیان بۆ رادیۆى ده‌نگ وتی: ئه‌گه‌رچى داتایه‌كى وردمان به‌رده‌ست نیه‌ به‌دیارى كراوى له‌ سنورى گه‌رمیان چه‌ند دۆنم زه‌وى كراوه‌ به‌ به‌رهه‌مى سه‌وزه‌وات، به‌ڵام به‌شێوه‌یه‌كى گشتى بۆ ئه‌مساڵ له‌ سنوره‌كه‌ زیاتر له‌ 9 هه‌زار دۆنم زه‌وى به‌ به‌رهه‌مى سه‌وزات چێنراوه‌ به‌تایبه‌ت ته‌ماته‌ و شوتى.

وتیشی: ساڵانه‌ جوتیاران به‌رهه‌مه‌كانى ته‌ماته‌ و شوتى و بامیه‌ و ترۆزى و په‌تاته‌ و باینجان و كۆمه‌ڵێك به‌رهه‌مى دیكه‌ به‌رهه‌م ده‌هێنن، ته‌نانه‌ت پێداویستى ناوچه‌كه‌ش پڕده‌كاته‌وه‌.

هێماى بۆ ئه‌وه‌شكرد: به‌هه‌مانشێوه‌ گرفتى ئه‌وه‌مان هه‌یه‌ داتایه‌ك به‌رده‌ست نیه‌ ئه‌و رێژه‌ به‌رهه‌مانه‌ له‌لایه‌ن چه‌ند جوتیاره‌وه‌ به‌رهه‌مهێنراوه‌.