رادیۆی دەنگ

دواى ئه‌وه‌ى سیسته‌مى دیجیتاڵى بۆ دابه‌شكردنى غازى ماڵان له‌ گه‌رمیان جێبه‌جێ كرا، به‌رێوبه‌رى بەڕێوبەرایەتی نه‌وت و كانزاكانى گه‌رمیان ده‌ڵێت: ده‌مانه‌وێت ئه‌و كۆدانه‌ى داخڵكراون بكرێن به‌ كارتى تایبه‌ت.

یادگار فه‌تاح، به‌ڕێوبه‌رى بەڕێوبەرایەتی نه‌وت و كانزاكانى گه‌رمیان، بۆ رادیۆى ده‌نگ ده‌ڵێت: له‌گه‌ڵ ئیداره‌ى گه‌رمیان گفتوگۆمان كردوه‌ كه‌ ئه‌م كۆدانه‌ى داخڵ به‌ سیسته‌مه‌كه‌ كراوه،‌ بكرێت به‌ كارتى تایبه‌ت، چونكه‌ ئه‌م سیسته‌مه‌ جێگیركراوه‌ و كارى له‌سه‌ر ده‌كه‌ین.

جه‌ختى له‌وه‌شكرده‌وه‌: ده‌مانه‌وێت ئه‌م سیسته‌مه‌ فراوانتر بكه‌ین، ته‌نانه‌ت پرۆسه‌ى دابه‌شكردنى نه‌وتیش له‌ نێویدا جێبكه‌ینه‌وه‌.

رونیشیکردەوە: هاوکات دەمانەوێت كارتى تایبه‌ت بۆ هاوڵاتیان دروستبكه‌ین، به‌وپێیه‌ى پێشتریش ئه‌زمونمان هه‌بوه‌ و كارتمان بۆ دابەشکردنی نه‌وت دروستكردوه‌.