رادیۆی دەنگ

بۆماوەی زیاتر لە ساڵێکە پۆستی قایمقامیەتی قەزای کەلار کە پشکی گۆرانە بەوەکالەت بەڕێوەدەبرێت لەلایەن جێگری سەرپەرشتاری ئیدارەی گەرمیانەوە کە لە پشکی یەکێتیە، مەکۆی کەلاری ئەو حزبەش دەڵێت: ناومان بەرزکردوەتەوە و لە ئیدارەی گەرمیانە.

مەریوان رەحیم، باژێروانی مەکۆی کەلاری بزوتنەوەی گۆڕان، بۆ رادیۆی دەنگ وتی: پۆستی قایمقامیەتی قەزای کەلار و پۆستەکانی دیکەش تاوەکو هەڵبژاردنی ئەنجومەنی پارێزگاکانی سلێمانی ئەنجام دەدرێت، پشکی ئێمەیە و هەرواش دەمێنێتەوە.

وتیشی: وەک بزوتنەوەی گۆڕان ناوی کاندیدمان بۆ پۆستی قایمقامی قەزای کەلار بەرزکردوەتەوە بۆ ئیدارەی گەرمیان، بەڵام تاوەکو ئێستا هیچ وەڵامێکمان بۆ نەهاتوەتەوە.

جەختی لەوەشکردەوە: وەک بزوتنەوەی گۆڕان لە حکومەتی خۆجێی ناوچەکە نەکشاوینەتەوە و ئەو پۆستەش بە حەقی خۆمان دەزانین.