رادیۆی دەنگ
بڕیارە گەڕی دوەمی پڕۆژەی "گەشانەوە" دەستپێبكات، بڕیاردەری پڕۆژەكەش لە گەرمیان دەڵێت: تیایدا قەرز دەدرێتە هاوڵاتیان بۆ بونیادنانی پرۆژەی جیاواز.
ئارام كەریم، بڕیاردەری پڕۆژەی گەشانەوە لە گەرمیان، بە رادیۆی دەنگی وت: زۆربەی كارەكانی گەڕی دوەمی پڕۆژەی گەشانەوە كە تیایدا بڕە پارەیەك دەدرێتە خاوەنی پڕۆژەكان بۆ پەرەپێدان، بە كۆتا گەیشتوە و تەنها چەند كارێكی كەمی ماوە و بەمنزیكانە دەچێتە بواری جێبەجێكردنەوە.
لە بارەی مەرجەكانی پێدانی ئەو بڕە پارەیە لە پڕۆژەكەدا وتی: ئەم پڕۆژەیە بۆ كەسانێكە كە تەمەنیان لە ٢٥ ساڵ تا ٦٠ ساڵە و دەبێت تەمەنی پڕۆژەكانیش لە ساڵێك زیاتر بێت.
باسی لەوەشکرد بڕی ئەو پارەیەی وەکو قەرز دەدرێت لە ٣٠ ملیۆن دینارەوە دەستپێدەكات بۆ ١٥٠ ملیۆن دینار.
گەڕی یەكەمی پڕۆژەی گەشانەوە لە ساڵی ٢٠٢٣ بو، كە تێیدا ٢٥ هاوڵاتی لە سەرانسەری هەرێمی كوردستان سودمەند بون، بۆ ئەمساڵیش بڕیارە گەڕی دوەمی دەستپێبكات كە بوارەكانی كشتوكاڵ و پیشەسازیی و کارگە و كۆمپانیا دەگرێتەوە.
- دوایین بابەتەکان
-
هەواڵ٤ مانگە فەرمانگەکانی گەرمیان "نەسرییە"ـیان وەرنەگرتوه
-
-
هەواڵنەخشە بۆ گردەگۆزینە دروستدەکرێت و دەکرێت بە پێنج کەرت
-
-
هەواڵتەندروستی گەرمیان هۆشداریی لە پەککەوتنی تاقیگەکان دەدات
-
-
هەواڵبەڕێوبەرایەتی چاودێریی بازرگانیی گەرمیان: بەبێ پرسی ئێمە نرخی لەفە گران کراوە
-
-
هەواڵدەستبەکارنەبونی وەزیری خوێندنی باڵای عێراق گرفتێک لە گەرمیان دروستدەکات
-
زۆرترین بینراوەکان
