"تاوەکو ئێستا ۲ پشکنینی زانستی بۆ فراوانکردنی رێڕەوی روباری سیروان کراوە، کە یەکێکیان ٥٨۰ مەترە و یەکێکیان ٤۰۰ مەتر، بەڵام هیچان جێبەجێ ناکرێت و بۆ جاری سێیەم پشکنینێکی دیکەی زانستی بۆ دەکرێتەوە"، ئەمەش بەپێی وتەی بەڕێوبەرایەتی ئاودێری گەرمیان.

موئەیەد ئەحمەد، بەڕێوبەری بەڕێوبەرایەتی ئاودێری گەرمیان بۆ رادیۆی دەنگ وتی: رێرەوی روباری سیروان دو پشکنینی هایدرۆلۆجی بۆ کراوە لەلایەن دو کۆمپانیای جیاوە، یەکێکیان دەڵێت ٤۰۰ مەتر و ئەوی دیکەشیان ٥٥۰ مەتر بۆ ئەوەی بزانرێت رێرەوەکە پێویستە چەند فراوان بکرێت.

وتیشی: ئێمە بۆ راستی و دروستی ئەم ژمارانە کۆمپانیای سێیەمان هێناوە و جارێکی دیکە پشکنینی بۆ دەکاتەوە.

دەشڵێت: پشکنینی سێیەم هەر بڕیارێکی داو چەندی دیاری کرد ئەوە دەبێتە پانی رێرەوی روباری سیروان.

بەپێی وتەی بەڕێوبەری ئاودێری گەرمیان، لەدیوی کەلارەوە کۆرنیشەو گرفتمان نییە، دواتر ناو روبارەکە پاکدەکرێتەوە و رێکدەخرێت، پاشان لەوبەرەوە ساترێکی خۆڵ دروست دەکرێت و گرفتێکی نابێت بۆ ئاوی زۆر دوای پشکنینەکە.

دەشڵێت: سەرەتای کارەکەمان لەزۆنی ۲ـو ۳ـی روبارەکەیە، دواتریش زۆنەکانی دیکە جێبەجێ کرا، ئیتر ئێمەش بەو شێوەیە لەگەڵی دەڕۆین، بەڵام ئەمە دوا قەرەبوی زەوییەکانی ئەودیو روباری سیروان دەتوانین کاری تێدا بکەین.