رادیۆی دەنگ، زریان محەمەد
لەلێدوانێکی تایبەتدا بۆ رادیۆی دەنگ، سەرۆکی شارەوانی کەلار نوێترین زانیاری لەسەر دابەشکردنی زەوی فەرمانبەران دەخاتەڕو و دەڵێت: ٩٠٪ـی کارەکانی روپێوی تەواو بوە.
سامان رەحیم، سەرۆکی شارەوانی قەزای کەلار، وردەکاریی پرۆسەکەی بەمشێوەیە خستەڕو.
تەواوبونی ئامادەکارییە تەکنیکییەکان:
پڕۆسەکە قۆناغی زۆر باشی بڕیوە و لە ئایندەیەکی نزیکدا دەست بەدابەشکردنی دەکرێت، لە ئێستادا نەخشە و سایت پلانی زەوییەکان بەتەواوی ئامادەن و ژمارەی پارچە زەوییەکانیش دەستنیشان کراون.
شەفافیەت و شێوازی دابەشکردن:
بەمەبەستی بەرچاوڕونی زیاتر، بڕیارە پێش دەستپێکردنی پڕۆسەکە سیمینارێکی تایبەت بە ئامادەبوونی نوێنەری لایەنە پەیوەندیدارەکان ساز بکرێت، تاوەکو بە شێوازێکی شەفاف رونکردنەوە لەسەر میکانیزم و چۆنیەتی دابەشکردنەکە بدرێت.
ئاماری فۆرمەکان و وردبینی:
- لە قەزای کەلار زیاتر لە ١٧ هەزار فۆرم پڕکراوەتەوە.
- تائێستا وردبینی بۆ زیاتر لە ١٣ هەزار فۆرم کۆتایی هاتووە و گەڕاونەتەوە.
- ئەو فۆرمانەی تر کە ماون، لە قۆناغی وردبینیدان لە وەزارەت و شارەوانی کەلار لە بەدواداچونی بەردەوامدایە بۆ گەڕانەوەیان.
شوێن و روبەری زەوییەکان:
شارەوانی کەلار دو ناوچە بۆ ئەم مەبەستە دابینکردوە:
١. کەرتی سەید خەلیل: زەوییەک بە روبەری ٧ هەزار دۆنم تەرخانکراوە، کە ٩٠٪ـی کارەکانی روپێوی (مەسح) تەواو بوە.
٢. کەرتی بەرلوت: زەوییەک بە روبەری ٤ هەزار دۆنم بۆ هەمان مەبەست ئامادە کراوە.
رێکارە کارگێڕییەکان:
لە ئێستادا تیمی شارەوانی سەرقاڵی وردبینی ئەو ناوانەن کە گەڕاونەتەوە، دوای دابەشکردنیش وردبینی تەواوەتی دەستپێدەکات.
- دوایین بابەتەکان
-
هەواڵپۆلیسی گەرمیان: ٣ جۆر کامێرای چاودێریی لە زۆربەی شوێنە پێویستەکانی کەلار دانراون
-
-
هەواڵسەدان تانکەر لە چاوەڕوانیی ئاودیوکردندا؛ عێراق دۆسیەی قاچاخچێتی دەروازەی پەروێزخان هەڵدەداتەوە
-
-
هەواڵ٣٦ شوقە لە کفری تەواو بوە و کەس وەریناگرێت
-
-
هەواڵدۆسییەی بڕیاردان لە تۆمارکردنی خانوەکانی رزگاریی لە ئەنجومەنی وەزیرانە
-
-
هەواڵنرخی زێڕ هاوسەرگیریی لە گەرمیان کەم کردوە
-
زۆرترین بینراوەکان