رادیۆی دەنگ

بۆ ماوه‌ى 3 مانگه‌ ده‌ست به‌ وردبینییكردنى ناوى فه‌رمانبه‌ران كراوه‌ بۆ وه‌رگرتنى زه‌وى له‌ قه‌زاى رزگاریی، سه‌رۆكى شاره‌وانى قه‌زاكه‌ش ده‌ڵێت: تاوه‌كو ئێستا 2579 ناو وردبینیی بۆ كراوه‌.

ئه‌رسه‌لان ئه‌حمه‌د، سه‌رۆكى شاره‌وانى قه‌زاى رزگاریی، بۆ رادیۆى ده‌نگ باسى له‌وه‌كرد: له‌ ده‌سپێكى ساڵى نوێوه‌ به‌ یه‌ك وه‌جبه‌ ناوه‌كانمان بۆ هاتوه‌ كه‌ 2700 ناوه‌، كه‌ له‌ رێگه‌ى لیژنه‌یه‌كى تایبه‌ته‌وه‌ وردبینییان بۆ ده‌كرێت.

ده‌شڵێت: تاوه‌كو ئێستا له‌ كۆى ئه‌و رێژه‌ ناوه‌ 2579 ناو وردبینییان بۆ كراوه‌.

هێماى بۆ ئه‌وه‌شكرد: هه‌ندێك له‌و ناوانه‌ش زانیارییه‌كانیان ته‌واو نیه‌ هه‌ندێكیان به‌ 2 ناو هاتوه‌ته‌وه‌ هه‌ندێكیشیان ژن و مێرد هه‌ردوكیان ناویان هاتوەتەوە، لەکارداین بۆ ئەوەی هه‌مو ئه‌مانه‌ رێكبخەینەوە.