دەنگ نێت

 

دوای ئەوەی وا باسکرا کە بەشێکی دانیشتوانی گەڕەکی راپەڕینی ناحیەی رزگاریی سەر بەکەلار بە دار کارەبایان راکێشاوە و ئەوکارەش مەترسی لەسەریان دروستکردوە، بەڕێوبەری ناحیەکە دەڵێت: هیچ مەترسیەکی نیە و ئەو قسانە دورە لە راستیەوە.

 

بەشێکی دانیشتوانی گەڕەکی راپەڕین لەناحیەی رزگاریی، بە دار هێڵی کارەبایان راکێشاوە و ‌وایەرەکانی هێڵەکە شۆڕبونەتەوە و هەندێک لە دارەکانیش شکاون.

 

لەبارەی مەترسی ئەم حاڵەتە بۆ سەر دانیشتوانی گەڕەکەکە، جەمال ساڵح، بەڕێوبەری ناحیەی رزگاریی، بە رادیۆی دەنگی وت: ئەم بابەتی مەترسیە تەنها ململانێی سیاسیە و دورە لە راستیەوە.

 

وتیشی: هەرکەسێک کارەبا گرتی من خۆم لێی بەرپرسم.

 

جەختی لەوەشکردوە: بڕی 870 ملیۆن دینارمان بۆ پرۆژەی کارەبای گەڕەکی راپەڕین تەرخانکردوە و تا کۆتایی ئەمساڵیش راکێشانی کارەبا بۆ گەڕەکەکە تەواو دەبێت.