دەنگ نێت

 

به‌ڕێوبه‌رى بەڕێوبەرایەتی ئاودێرى گه‌رمیان ده‌ڵێت: له‌ سنورى گه‌رمیان ٤٠ شوێنى گونجاومان هه‌یه‌ بۆ دروستكردنى پۆند (بەنداوی بچوک) له‌ سنوره‌كه‌ و پشكنیمان بۆ کردوه‌ و رێكاره‌ یاساییه‌كانى ته‌واو بوه‌، به‌جۆرێك ٥ له‌و شوێنانه‌ دیزاینیان بۆ كراوه‌ و ئاماده‌یه‌ بۆ دروستكردن.

 

موئه‌یه‌د ئه‌حمه‌د، به‌ رادیۆى ده‌نگى راگه‌یاند: له‌ ئێستادا حكومه‌ت گرنگى زۆر به‌ دروستكردنى پۆند ده‌دات له‌سه‌ر ئاستى كوردستان و به‌تایبه‌ت گه‌رمیان، به‌جۆرێك له‌ سنورەکە‌ ٤٠ شوێنمان هه‌یه‌ كه‌ پشكنینمان بۆ كردون‌ و گونجاون‌ بۆ دروستكردنى پۆند كه‌ رێكاره‌ یاسایی و ئیدارییه‌كانیان ته‌واو بوه‌.

 

ده‌شڵێت: له‌و ٤٠ شوێنه‌ ٥ دانه‌یان دیزاینیان بۆ كراوه‌ و ئاماده‌ن بۆ دروستكردن، هه‌ركات حكومه‌ت بڕیاربدات به‌ دروستكردنیان و داوابكات، راسته‌وخۆ ئاراسته‌یان ده‌كه‌ین بۆ دروستكردنى.

 

هێماى بۆ ئه‌وه‌شكرد: له‌ پار ساڵه‌وه‌ ٣ پۆندمان له‌ رێكارى دروستكردنیاندابوین، یه‌كێك له‌و پۆندانه‌ ته‌واو بوه‌ ئه‌و دوانەکەی دیکە ماونه‌ته‌وه‌ و چاوه‌ڕوان ده‌كرێت له‌ مانگى داهاتو ئه‌وانیش ته‌واو ببن.