دەنگ نێت

 

بڕیارە ئەو بودجەیەی بۆ بەشی باخەکانی ناحیەی رزگاریی خەرجدەکرێت، کەمبکرێتەوە بۆ نیوە، سەرۆکی شارەوانیی ناحیەکەش دەڵێت: ئەگەر کەمبکرێتەوە بەشی باخچەکان ئیفلیج دەبێت.

 

بودجەی خەرجکراوی مانگانە بۆ بەشی باخچەکانی ناحیەی رزگاریی سەر بە کەلار، ١٠ ملیۆن دینارە.

 

ئەرسەلان ئەحمەد، سەرۆکی شارەوانیی رزگاریی، بە رادیۆی دەنگی وت: پێیان راگەیاندوین ئەو بودجە مانگانەیەی کە بۆ باخچەکانی ناحیەکە خەرج دەکرێت، لە ١٠ ملیۆن دینارەوە کەمدەکرێتەوە بۆ ٥ ملیۆن دینار.

 

وتیشی: بەمشێوەیە بێت بەشی باخچەکانی رزگاریی پەکی دەکەوێت و ئیفلیج دەبێت، ئەمەش زیانێکی گەورەیە بۆ ناحیەکە.

 

دەشڵێت: لە بەڕێوبەرایەتیەوە پێمان وتراوە کە کەمدەکرێتەوە و تائێستاش هیچ هۆکارێک نازانین و نوسراوی فەرمیشمان لەوبارەوە بۆ نەهاتوە.