دەنگ نێت

 

دواى زیاتر له‌ ٩ مانگ لە دەرچونی بڕیاری دروستکردنی کۆڕنیشێک بۆ بەنداوی باوەشاسوار لە کفری، تاوه‌كو ئێستا دەستنەکراوە بەکارکردن تێیدا، بەڕێوبەری گەشتوگوزاری گەرمیانیش دەڵێت: چاوه‌ڕوانى وه‌ڵامى وه‌زاره‌تى دارایین.

 

هێرش فه‌یزوڵڵا، به‌ڕێوبه‌رى به‌ڕێوبه‌رایه‌تى گه‌شتوگوزارى گه‌رمیان بۆ رادیۆى ده‌نگ باسى له‌وه‌كرد: له‌ مانگى ٦ـی ساڵى رابردوه‌وه‌ له‌سه‌روبه‌ندى خۆپیشاندانی دانیشتوانى قه‌زاى كفرى، بڕیاردرا ‌ پرۆژه‌یه‌كى گه‌شتیارى له‌ قه‌زاكه‌ دروست بكرێت كه‌ كۆرنیشێكى تیدایه‌، به‌ڵام تاوه‌كو ئێستا ده‌ستمان به‌ كاركردن نه‌كردوه‌ تێیدا و چاوه‌ڕوانى وه‌ڵامى وه‌زاره‌تى دارایین.

 

ده‌شڵێت: له‌ هه‌فته‌ى ئاینده‌وه‌ جارێکی تر به‌دواداچونى بۆده‌كه‌ین كه‌ كه‌ى وه‌ڵامه‌كه‌ ده‌گه‌ڕێته‌وه‌.

 

باسی لەوەشکرد: ئه‌م پرۆژه‌یه‌ خۆى له‌ ٣ قۆناغدا ده‌بینێته‌وه‌ و بۆ قۆناغى یه‌كه‌مى بڕى ٥٠٠ ملیۆن دینارى بۆ ته‌رخان ده‌كرێت، هاوكات داواشمان كردوه‌ خودى خۆمان به‌شێوه‌ى راسته‌وخۆ پرۆژه‌كه‌ جێبه‌جێ بكه‌ین.