دەنگ نێت

 

له‌ كۆى 6 زۆنه‌كه‌ى سه‌ر روبارى سیروان لە کەلار، ته‌نها 2 زۆنیان مۆڵه‌تیان بۆ گه‌ڕاوه‌ته‌وه‌، وته‌بێژى وه‌به‌رهێنانى گه‌رمیانیش ده‌ڵێت: ئه‌و 4 زۆنه‌كه‌ش له‌ رێكارى وه‌رگرتنى مۆڵه‌تدان.

 

چۆمان فه‌لاح، وته‌بێژى به‌ڕێوبه‌رایه‌تى گشتی وه‌به‌رهێنانى گه‌رمیان، بۆ رادیۆى ده‌نگ وتى: له‌ كۆى هه‌ر 6 زۆنه‌كه‌ى سەر روباری سیروان لە کەلار، ته‌نها دو زۆنیان مۆڵه‌تیان بۆ گه‌ڕاوه‌ته‌وه‌ ئه‌وانیش زۆنى 2 كه‌ مۆڵه‌تى فه‌رمى هه‌یه‌ و ده‌ستبه‌كار بوه‌، هاوكات زۆنى سێیه‌میش ره‌زامه‌ندى ئه‌نجومه‌نى باڵاى وه‌به‌رهێنانى هه‌یه‌.

 

له‌باره‌ى زۆنه‌كانى دیكه‌وه‌ باسى له‌وه‌شكرد: ئه‌و 4 زۆنه‌كه‌ى دیكه‌ش له‌ رێکارى وه‌رگرتنى مۆڵه‌تدان و هێشتا رێكاره‌كانیان ته‌واو نه‌بوه‌.

 

لە ساڵی پارەوە ئیدارەی گەرمیان زەوییەکانی تەنیشت روباری سیروانی لە کەلار کرد بە چەن زۆن (ناوچەیەکەوە) بەمەبەستی ئەنجامدانی پرۆژەی نیشتەجێبون و گەشتیاریی و بازرگانی تیایاندا، لەگەڵ دروستکردنی کۆرنیشێک بە درێژایی هەمو زۆنەکان.