دەنگ نێت

 

بەڕێوبەری گشتی گەشتوگوزاری گەرمیان لەبارەی ئامادەکارییەکان بۆ جەژنی رەمەزان قسەدەکات و دەڵێت: لیژنەی پێشوازییمان دەبێت لە زاڵگەکاندا.

 

هێرش فەیزوڵڵا، بەڕێوبەری گشتی گەشتوگوزاری گەرمیان، بۆ رادیۆی دەنگ وتی: دو لیژنەمان هەیە، یەکێکیان هەمیشەییە، ئەوەکەی تریان لە کاتی بۆنەکاندا پێکیدەهێنین، لیژنە هەمیشەییەکە ئەرکی خۆیانە، بەڵام لە رۆژانی جەژن و بۆنەکان زیاتر کارای دەکەین، ئەو رۆژانەی دەوامی فەرمی نیە پشکنینی ریستۆرانت و ئۆتێل و موتێل و شوێنە گەشتیاریەکان دەکەن.

 

وتیشی: لیژنەکەی دیکەمان لە بۆنەکاندا پێکیدەهێنین و لە زاڵگەکان جێگیریان دەکەین و پێشوازی لە گەشتیاران دەکەن.

 

بەوتەی بەڕێوبەری گشتی گەشتوگوزاری گەرمیان، شوێنە‌ گەشتیاریەکانی سنورەکە "لەئاستی تموحی ئەواندا نیە"، بەڵام وەکخۆیشی وتی: خراپیش نین، ئۆتێل و مۆتێلمان هەیە هەتا تا چوار ئەستێرە، کەپری گەشتیاری و کابینەی مانەوەشمان هەیە.