دەنگ نێت

 

بڕیارە لە قەزای کفری نەخۆشخانەیەکی تایبەت بە ژنان و مناڵبون لەلایەن سەرمایەدارێکەوە دروستبکرێت، سەرمایەدارەکەش دەڵێت: بەناوی باوکمەوە و بە خۆبەخشانە دروستی دەکەم.

 

عەباس حاجی فارس، ئەو کەسەی کە بڕیارە نەخۆشخانەکە دروستبکات، بۆ رادیۆی دەنگ وتی: نەخۆشخانەکە خێرخوازیە و پەیوەندی بە هیچ حیزب و گروپێکەوە نییە، ئێمە بینای نەخۆشخانەکە دروست دەکەین و رادەستی حکومەتی دەکەین و حکومەتیش کارمەند و ئامێری بۆ دابین دەکات.  

 

وتیشی: نەخۆشخانەکە تایبەتە بە ژنان و لەدایکبون، شوێنەکەشی لە تەنیشت نەخۆشخانەی گشتی شەهید خالید گەرمیانییە.

 

ئاماژەی بەوەشکرد نەخۆشخانەکەی بەناوی باوکی 'حاجی فارس دار درێژ'ـەوە دروستدەکات و سبەینێش بەردی بناغەی دادەنێن و دەستبەکار دەکەن.