دەنگ نێت

 

له‌ ماوه‌كانى رابردودا حكومه‌ت بڕیاریدا به‌ داشكاندنى له‌ %15ـی كرێى ئاوى ماڵان، به‌ڵام به‌هۆى كێشه‌ له‌ نێوان كۆمپانیا و حكومه‌ت، هاوڵاتیانى سنورى گه‌رمیان لەو داشکانە سودمه‌ند نه‌بون، به‌رپرسێکیش دەڵێت:  داوامانکردوە لێخۆشبونێکی تایبەت بۆ گەرمیان دەربکرێت.

 

سالار عه‌زیز، به‌رپرسى راگه‌یاندن و په‌یوه‌ندیه‌كانى به‌ڕێوبه‌رایه‌تى ئاوى ده‌وروبه‌رى گه‌رمیان، بۆ رادیۆى ده‌نگ ده‌ڵێت: دوای ئه‌وه‌ى وه‌رگرتنى پاره‌ى ئاوى ماڵان له‌ سنورى گه‌رمیان راگیرا به‌هۆى كێشه‌ له‌ نێوان كۆمپانیا و حكومه‌ت له‌ ئاستى سه‌ره‌وه‌دا، هاوڵاتیانى سنورى گه‌رمیان سودمه‌ند نه‌بون له‌ داشكاندنى %15ـی كرێى ئاو.

 

وتیشى: بۆیه‌ پێشنیارمان كردوه‌ ئه‌و بڕیاره‌ نوێ بكرێته‌وه‌ بۆ زۆنى چوار كه‌ پارێزگاى سلێمانى و هه‌ڵه‌بجه‌ و ئیداره‌ سه‌ربه‌خۆكانى گه‌رمیان و راپه‌ڕین ده‌گرێته‌وه‌.