دەنگ نێت

 

بەڕێوبەری ناحیەی رزگاریی ئاشکرای دەکات كێشه‌ی راگیرانی مۆڵەتی دروستکردنی خانو له‌ ناحیه‌کەیان چاره‌سه‌ر کراوە و ئەو لیژنەیەی پێشتر کارەکەی دەکرد، گۆڕاوە.

 

جه‌مال ساڵح، به‌ڕێوبه‌رى ناحیه‌ى رزگاریی لەکەلار، بۆ رادیۆى ده‌نگ وتى: ئه‌و لیژنه‌یه‌ى كه‌ تایبه‌تبو به‌ پێدانى مۆڵه‌تى دروستكردنى خانو له‌ ناحیه‌کەمان و‌ له‌ ساڵى 2011ـە‌وه‌ هه‌ر ئه‌و لیژنه‌یه‌ لەکاربو، له‌ ئێستادا گۆڕدراوە و لیژنه‌یه‌كى نوێ پێكهێنراوه‌.

 

ده‌شڵێت:‌ له‌ئێستادا كێشه‌ى پێدانى مۆڵه‌تى دروستكردنى خانو له‌ ناحیه‌كه‌دا چاره‌سه‌ر بوه‌ و بۆ ماوه‌ى 3 هه‌فته‌یه‌ دەست بە پێدانى مۆڵه‌ت کراوە‌تەوە.

 

لەمانگی ١١ـی ساڵی پارەوە، کارەکانی پێدانی مۆڵەتی دروستکردنی خانو لەلایەن بەڕێوبەری ناحیەکەوە راگیرا، بەوهۆیەی لیژنەکە چەندین ساڵە نەگۆڕدرابو.