دەنگ نێت

 

بەپێی ئاماری ئەنجومەنی دادوەریی هەرێمی کوردستان، لە گەرمیان رێژەی حاڵەتەکانی هاوسەرگیریی کەم و جیابونەوەی هاوسەران زیادیان کردوە.

 

لەئامارەکەدا هاتوە: لەساڵی رابردودا (٢٠٢٣)، (٢٦١٨) حاڵەتی هاوسەرگیریی "مارەبڕین" لەگەرمیان تۆمارکراوە، ئەم ژمارەیەش (١٢٨) حاڵەتی کەمترە لەچاو ساڵی پێشوتر (٢٠٢٢) کە لەوساڵەدا (٢٧٤٦) حاڵەتی هاوسەرگیریی تۆمارکراوە.

 

هەربەپێی ئامارەکە، لە (٢٠٢٣)ـدا، (٨٥٣) حاڵەتی لێکجیابونەوەی هاوسەران تۆمارکراوە، ئەمەش بەبەراورد بە ساڵی پێشتر (٢٠٢٢)، (٥٦) حاڵەتی زیاترە، چونکە لە (٢٠٢٢)ـدا (٧٩٧) حاڵەتی لێکجیابونەوەی هاوسەران تۆمارکراوە.

 

بەپێی شرۆڤەی داتاکانی ئەنجومەنی دادوەریی، لەبەرامبەر هەر ١٠٠ حاڵەتی هاوسەرگیریی، زیاتر لە ٣٠ حاڵەتی جیابونەوەی هاوسەران هەیە.