دەنگ نێت

 

خاوه‌ن كارگەکانی چه‌و و لم له‌ گه‌رمیان بڕیاره‌كه‌ى ئیداره‌ى گه‌رمیان بۆ دەستکردنەوە بەکارکردن به‌ باش ده‌زانن و نوێنه‌رى ئه‌و خاوه‌ن كارگانەش ده‌ڵێت: ئاماده‌ین هه‌مو كانه‌كان بکەین به‌ 'كه‌ساره'‌.

 

محه‌مه‌د ئیسماعیل، نوێنەرى خاوه‌ن کارگەکانی چه‌و و لم له‌ سنورى گه‌رمیان، بۆ رادیۆى ده‌نگ وتى: بڕیاره‌كه‌ى ئیداره‌ى گه‌رمیان به‌باش ده‌زانم، پێمان خۆشبوه‌ كه‌ به‌و شێوه‌یه‌ بوه‌ و كراوه‌ به‌ كه‌ساره‌، ئه‌گه‌رچى ئه‌م بڕیاره‌ لایه‌نى باش و خراپى هه‌یه‌ و لایه‌نه‌ باشه‌كه‌ى زیاترە.

 

وتیشى: كارگه‌ى وامان هه‌یه‌ له‌ حه‌فتاكانی سەدەی رابردوەوە‌ كارگه‌یه‌ و جه‌رمود كۆده‌كاته‌وه‌ و بوه‌ به‌ شاخ و دیمه‌نێكى ناشرینى به‌ سروشتی ناوچه‌كه‌ داوه‌، ئه‌مه‌ش ده‌توانرێت به‌ كه‌ساره‌ سودى لێببینێ و به‌كاربهێنرێته‌وه‌، ئه‌و دیمه‌نه‌شى كه‌ داویه‌تى به‌ ناوچه‌كه‌ لاببرێت.

 

هێماى بۆ ئه‌وه‌شكرد: له‌ ماوه‌ى ئه‌و 2 ساڵه‌دا كارى 45 كارگه‌ راگیرابو له‌ 3 زۆنی کەلار (له‌ناو خودى كه‌لار و خواره‌وه‌ى و سه‌ره‌وه‌ى دا).

 

ده‌شڵێت: له‌ كۆى ئه‌و 45 كارگه‌یه‌ پێنجیان هه‌ر نایخه‌نه‌وه‌ كار، ئه‌وه‌ى ده‌مێنێته‌وه‌ 40 كارگه‌یه‌، ئه‌مه‌ش 5 دانه‌یان ده‌كه‌وێته‌ ناو خودى كه‌لاره‌وه‌ كه‌ 4یان كه‌ساره‌یان هه‌یه‌ و 1 دانه‌یان نیه‌تى، ئه‌وه‌ى ده‌مێنێته‌وه‌ 30 بۆ 35 كارگه‌یه‌ له‌و رێژه‌یه‌ش نزیكه‌ی حەوتیان كه‌ساره‌یان هه‌یه‌ و ئه‌وه‌كانى تر‌ نیانه‌.

 

جه‌ختى له‌وه‌شكرده‌وه‌: ئاماده‌ین كه‌ساره‌ دابنێین.

 

هەفتەی رابردو ئیدارەی گەرمیان بڕیاری دوبارە دەستبەکارکردنەوەی کارگەکانی چەو و لمی دا، ئەویش بەکۆمەڵێک مەرجەوە کە دیارترینیان دانانی بەردشکێن 'کەسارە'یە.