دەنگ نێت
چاوه‌ڕوان ده‌كرێت پرۆژه‌ى گه‌یاندنى ئاو له روبارى سیروانه‌وه بۆ ده‌شتايه‌كانى قه‌زاى كه‌لار ده‌ست به‌كارببێته‌وه، به‌ڕێوبه‌رى ئاودێریی گه‌رمیانیش ده‌ڵێت: له‌سه‌ر بودجه‌ى شاره‌وانى كه‌لار ده‌بێت.
موئه‌یه‌د ئه‌حمه‌د، به‌ڕێوبه‌رى به‌ڕێوبه‌رایه‌تى ئاودێریی گه‌رمیان بۆ رادیۆى ده‌نگ وتى: له‌پلانماندا هه‌یه به‌م نزیكانه ئه‌و پرۆژه‌یە بخه‌ینه‌وه‌گه‌ڕ له‌گه‌ڵ شاره‌وانى كه‌لار، وا رێكه‌وتوین له‌سه‌ر داهاتى شاره‌وانى بێت.
وتیشى: پرۆژه‌كه بۆ خۆى ته‌واو بوه، ئه‌وه‌ى هه‌یه كێشه له ماتۆڕه‌كاندا هه‌یه كه پێویستمان به 6 ماتۆڕ ده‌بێت 3 دانه‌یان له كاردا ده‌بێت و 3 دانه‌ى دیكه‌ش وه‌ك به‌دیل هه‌بێت.
له‌باره‌ى ئه‌و بڕه بودجه‌یه‌ى كه پێویسته بۆ كڕینى ئه‌و ماتۆڕانه، به‌ڕێوبه‌رى ئاودێرى گه‌رمیان هێماى بۆ ئه‌وه‌شكرد: بڕى بودجه‌كه‌ى دیاریكراو نیه، چونكه جارێ بڕیارنه‌دراوه چى ماتۆڕێك ده‌كڕدرێت، كه بڕیاردرا ئه‌وكات ده‌زانرێت بڕه‌كه‌ى چه‌نده.
پرۆژه‌ى پاڵدانى ئاوى كه‌لار كه له روبارى سیروانه‌وه سه‌رچاوه ده‌گرێت، له‌پێش سه‌رهه‌ڵدانى قەیرانی داراییه‌وه دروستكراوه، گوژمه‌کەی 13 ملیار دینار بوه.
- دوایین بابەتەکان
-
هەواڵزهوى فه‌رمانبه‌ران كاره‌كانى ماسته‌رپلانى كه‌لارى په‌كخستوه
-
-
هەواڵلە گەرمیان کۆمپانیایەک پارەی جلوبەرگ لەو کەسانە وەردەگرێت کە نەشتەرگەریی و سیتی سکان ئەنجام دەدەن
-
-
راپۆرتکاندیدە ژنەکان لە گەرمیان؛ کۆتا یان گۆڕانکاریی؟
-
-
هەواڵخوێندكارانى قوتابخانه‌ى "کەلاری نێودەوڵەتی" ناچاردەکرێن لە دەرەوەی کەلار تاقیكردنه‌وه ئه‌نجام بدەن
-
-
هەواڵكارهباى گه‌رمیان: روناکكردنه‌وه‌ى شه‌قامى پشتێنەیی كه‌لار ئه‌ركى كۆمپانیاى قه‌یوانه
-
زۆرترین بینراوەکان
