دەنگ نێت

 

پڕۆژەی یەکەی نیشتەجێبونی کەمدەرامەتان لەگەرمیان زیاتر لە 10 ساڵە تەواونەکراوە، بەڕێوەبەری ئاوەدانکردنەوەی گەرمیانیش دەڵێت: هیچ بەرەوپێشچونێک لە پرۆژەکەدا نییە.

 

ماوەی 10 ساڵە لەگەرمیان لەلایەن حکومەتی هەرێم و لەرێگەی وەزارەتی ئاوەدانکردنەوەوە، دەست بە دروستکردنی چەند پڕۆژەیەکی نیشتەجێبون بۆ کەمدەرامەتان لە جۆری شوقە کرا و زیاتر لەنیوەی کارەکانیشیان تەواوبو، بەڵام دواتر بەکاریگەریی قەیرانی دارایی کارکردن تیایاندا وەستا.

 

پشتیوان عەبدوڵڵا، بەڕێوبەری بەڕێوبەرایەتی ئاوەدانکردنەوەی گەرمیان، بە رادیۆی دەنگی وت: ئەو پڕۆژانە دەبن بە دوبەشەوە، بەشێکیان 144 یەکەیە و نزیکەی 75٪ـی کارەکانی تەواوکراوە، بەشی دوەمیش بەهەمان شێوە 144 یەکەیە و 85٪ـی کارەکانی تەواوبوە.

 

وتیشی: ئەم پڕۆژانە هێشتا بەتەواونەکراوی جێهێڵدراون و کاریان تێدا ناکرێت بەهۆی نەبونی بودجەوە، چەند جارێکیش هەوڵمان داوە لەوەزارەت، بەڵام تائێستا هیچی نوێ نیە و وەکوخۆیەتی.