دەنگ نێت

 

بە فەرمانێکی وەزارەتی ناوخۆ ئەم هەفتەیە بەڕێوبەری ئێستای پۆلیسی گەرمیان دەگۆڕێت و بەڕێوبەی بەشی پۆلیسی قەزا و ناحییەکانی گەرمیان شوێنی دەگرێتەوە.

 

پێشتر رادیۆی دەنگ فەرمانێکی بڵاوکردەوە  کە لە ٦ـی ٨ـی ۲۰۲۳ بە واژوی وەزیری ناوخۆ دەرچوە، تیایدا ئاماژە بە بەخشینی عەمیدی پۆلیس: محەمەد فایەق عەزیز (محەمەدی حاجی فایەق) لە پۆستی بەڕێوبەری بەڕێوبەرایەتی پۆلیسی گەرمیان و دانانی عەمید: لوقمان سابر شکور لە جێگەکەی دا.

 

بەپێی زانیارییەکانی رادیۆی دەنگ دوای نزیکەی ٥ مانگ لە دەرچونی فەرمانەکە، بڕیارە ئاڵوگۆڕی پۆستەکە لەم هەفتەیەدا و بەدیارییکراویی رۆژی دوشەمە ئەنجام بدرێت.

 

عەمید: لوقمان سابر، پێشتر بەڕێوبەری پۆلیسی کەلار بوە و لە ئێستاشدا بەرپرسی بەشی پۆلیسی قەزا و ناحییەکانی بەڕێوبەرایەتی پۆلیسی گەرمیانە.

 

عەمید: محەمەد حاجی فایەق، نزیکەی ١٣ ساڵە بەڕێوبەری پۆلیسی گەرمیانە، هاوکات ئەندامی پێشوی ئەنجومەنی سەرکردایەتی یەکێتی نیشتمانی بو.