دەنگ نێت

 

وتەبێژی بەڕێوبەرایەتی گشتی کارەبای گەرمیان دەڵێت: ئه‌و بڕه‌ كاره‌بایەى كه‌ لێمان دادەشکێنرا لەئێستادا پێمان دەدرێتەوە، بەمشێوەیەش رۆژانە نزیکەی ١٢ کاتژمێر دەدەینە بەشدارانمان.

 

ئالان ئه‌ركان، بۆ رادیۆى ده‌نگ باسى له‌وه‌كرد: ئه‌و بڕه‌ كاره‌با زیاده‌یه‌ى كه‌ له‌ وه‌رزى هاوین ده‌درا به‌ گه‌رمیان به‌هۆى به‌رزى پله‌ى گه‌رماوە،‌ له‌ مانگه‌كانى 11 و 12 لێمان ده‌سه‌ندرایه‌وه‌، به‌و هۆیه‌شه‌وه‌ كاتژمێره‌كانى كاره‌باى نیشتیمانى كه‌مبویه‌وه‌ بۆ 10 كاتژمێر.

 

وتیشى: له‌ دوێنێوه‌ ئه‌و قه‌رزه‌ى كه‌ له‌سه‌رمان بو ته‌واو بوه‌ و ئه‌و بڕه‌ى كه‌ لێمان ده‌بڕا 15 مێگاوت بو، به‌شى گه‌رمیانیش ببو به‌ 85 مێگاوات، له‌ ئێستادا ئه‌و بڕه‌مان بۆ گه‌ڕاوه‌ته‌وه‌ بوه‌ به‌ 100 مێگاوات.

 

هێماى بۆ ئه‌وه‌شكرد: به‌و پێیه‌ش بێت رۆژانە 1 بۆ 2 كاتژمێر كاره‌با زیادیكردوه‌، واته‌ له‌ 10 كاتژمێر كاره‌باى رۆژانه‌ بوه‌ به‌ 12 كاتژمێر.