دەنگ نێت

 

كرێكاران له‌ گه‌رمیان باس له‌وه‌ ده‌كه‌ن زانیارییان له‌سه‌ر ده‌ستبه‌رى كۆمه‌ڵایه‌تى نیه‌ و ئه‌وه‌ى ده‌یبیستن له‌ خه‌ڵكانى دیكه‌وه‌یه‌، به‌ڕێوبه‌رى ئه‌و به‌ڕێوبه‌رایه‌تیه‌ش وه‌ڵام ده‌داته‌وه‌.

 

هونه‌ر ئه‌حمه‌د، كارێكار له‌ كه‌لار ده‌ڵێت: زانیارى زۆرم نیه‌ له‌سه‌ر بابه‌تى ده‌سته‌به‌رى كۆمه‌ڵایه‌تى، ئه‌وه‌ى زانیاریم هه‌بێت هه‌ندێك شتم بیستوه‌ له‌لایه‌ن هاورێكانمه‌وه‌ كه‌ موچه‌مان بۆ ده‌بڕنه‌وه‌.

 

هێماى بۆ ئه‌وه‌شكرد: ئاگادار نیم ناومان تۆماركراوه‌ یان نا، بۆیه‌ زانیاریم نیه‌ له‌سه‌رى.

 

له‌به‌رامبه‌ردا، هێمن جه‌مال جه‌بار، به‌ڕێوبه‌رى ده‌سته‌به‌رى كۆمه‌ڵایه‌تى بۆ كرێكارانى گه‌رمیان ده‌ڵێت: هۆكارى نه‌بونى زانیارى كرێكار له‌سه‌ر ده‌سته‌به‌رى كۆمه‌ڵایه‌نى نه‌بونى هۆشیارییه‌، ئه‌گه‌ر كرێكار هۆشیار هه‌بێت و بزانێت ده‌سته‌به‌رى بۆ ده‌كرێت به‌ تۆماركردنى ناوى، مافى خانه‌نشینى ده‌بێت و ئه‌گه‌ر بۆ مانگێكیش ده‌سته‌به‌رى بۆ كرابێت و له‌ سه‌ر كاره‌كه‌ى توشى كه‌مئه‌ندامبون بێت ئه‌وه‌ به‌پێى یاساكه‌ و به‌پێى راپۆرتى پزیشكى مافى خانه‌نشین بونى بۆ ئه‌بێت وه‌ك فه‌رمانبه‌رێكى حكومی‌.

 

وتیشى: به‌ڵام تاوه‌كو ئێستا خاوه‌نكار وا كرێكارى تێگه‌یاندوه‌ كه‌ ئه‌مه‌ باجه‌ لێى وه‌رده‌گیرێت، ئه‌مه‌ گرفته‌كه‌یه‌.

 

بۆ خوێندنەوەی راپۆرتێکی تێروتەسەل لەسەر پرسی دەستەبەری کۆمەڵایەتی بۆ کرێکاران لە گەرمیان، کلیک بکە.